Taħt Tliet Saltniet - Ġużè Aquilina

Mistoqsijiet dwar Taħt Tliet Saltniet

 

Għall-kwotazzjonijiet li jidhru hawn taħt u biex twieġeb dawn il-mistoqsjiet, ara l-artiklu ta’ Oliver Friggieri, “Spunti għal Stħarriġ Tematiku ta’ Taħt Tliet Saltniet fil-ktieb Saġġi Kritiċi (Malta: Aquilina, 1979) jew L-Istudji Kritiċi Miġbura (Malta: L-Università ta’ Malta, 1995)

                                                                                                        

  1. Skond Oliver Friggieri, fir-rumanz Taħt Tliet Saltniet, “it-tellieqa twassal għar-rebha, it-tbatija tissarraf fi glorja, u l-impressjoni ġenerali hi ta’ rumanz storiku rebbieħ.” Taqbel?

                          

  1. Iż-żewġ interessi ewlenin li nsibu fir-rumanz Taħt Tliet Saltniet huma l-mottiv politiku u l-mottiv soċjo-morali. Kemm taħseb li dawn iż-żewġ mottivi jidħlu f’xulxin fil-karattru ta’ Alessandru Habela u fir-rumanz kollu kemm hu?

 

  1. Aquilina jinqeda b’ghadd ta’ karattri ċatti biex itella’ fil-wiċċ il-kultura u l-identità Maltija fl-isfond ta’ tliet saltniet differenti. Iddiskuti.

 

  1. Skond Oliver Friggieri, f’Taħt Tliet Saltniet jalternaw “il-passaġġi ta’ rakkont, deskrizzjoni u kummenti ideoloġiku.” Iddiskuti.

 

  1. F’Alessandru Habela, u sa ċertu punt f’Ġanni u Mikiel Anton Vassalli, Aquilina jqiegħed l-aspirazzjonijiet tiegħu għal Malta tal-preżent u tal-futur. Dan jagħmlu billi, fost l-oħrajn, jidealizza lil dawn it-tliet persunaġġi u jippreżentahom bħala eroj. Taqbel?

 

  1. Bħal f’kull rumanz storiku Malti ieħor, Aquilina jibni żewġ plots fir-rumanz tiegħu Taħt Tliet Saltniet. Fisser din l-istruttura u għid jekk taħsibx li ż-żewġ nisġiet jingħaqdu fi plot wieħed.

 

  1. F’Taħt Tliet Saltniet Aquilina jidealizza l-ħajja rurali u jaraha bħala l-qalba ta’ l-identità kulturali Maltija. Għalih in-nies tal-kampanja huma nies sewwa, bieżla, qalbiena, reliġjużi, kelliema ta’ Malti tajjeb, u viċin tan-natura. Kif joħroġ Aquilina lill-Maltin tal- kampanja fir-rumanz?

 

Adrian Grima

17.11.04