TUTORIALS | 2007-08

Arkivji

1. Iddiskuti l-elementi fiżiċi u spiritwali li l-poeti romantiċi jaraw fl-ambjent naturali billi tagħmel referenza għall-poeżiji li studjajt.
2. L-esperjenza reliġjuża hija waħda mit-temi ewlenin li nsibu fil-poeżija romantika, iżda t-trattament ta’ kull poeta hu wieħed personali. Iddiskuti billi tagħmel referenza għall-poeżiji li studjajt.

TUTORIAL – L-EWWEL SENA AVVANZAT
Mit-Tnejn 12 ta’ Mejju sal-Ġimgħa 16 ta’ Mejju 2008

Kritika Letterarja
Agħmel analiżi kritika ta’ waħda minn dawn il-poeżiji fil-ktieb Il-Poeżija Maltija ta’ Oliver Friggieri:

1. "L-Inkurunazzjoni tal-Poeta" ta’ Nikol Biancardi (pġ. 127)

2. "Aħna Li Nċafċfu Saqajna" ta’ Adrian Grima (pġ. 453)

1. Fredu Gambin huwa anti-eroj. Iddiskuti.
2. Parti kbira mir-rakkont tar-rumanz Il-Gaġġa tindirizza r-relazzjonijiet u l-esperjenzi ta’ Fredu mat-tliet tfajliet li kellu f’ħajtu. Iddiskuti.

TUTORIAL – L-EWWEL SENA AVVANZAT

Mit-Tnejn 28 ta’ April  sal-Ġimgħa 1 ta’ Mejju 2007

Komponiment tal-lingwistika

Agħżel titlu wieħed:

1. L-influwenza ta’ l-Għarbi nsibuha prattikament fl-oqsma kollha tal-grammatika tal-Malti. Ikkummenta u saħħaħ dak li tgħid b’eżempji.

2. L-Għarab influwenzaw l-aspetti kollha tal-lingwa li nitkellmu, fosthom il-lessiku. Għalkemm maż-żmien intilef bosta kliem semitiku, nistgħu ngħidu li l-vokabularju Malti semitiku xorta baqa’ sinjur biżżejjed biex jgħinna nesprimu ruħna.  Ikkummenta u saħħaħ dak li tgħid b’eżempji.

TUTORIAL – L-EWWEL SENA AVVANZAT
Mit-Tnejn 21 ta’ April sal-Ġimgħa 25 ta’ April 2008

Kritika Letterarja
Agħmel analiżi kritika ta’ waħda minn dawn il-poeżiji fl-antoloġija Il-Poeżija Maltija ta’ Oliver Friggieri:

• "Tiftakar Ħi?" ta’ Ġużè Delia (pġ. 124 )

• "Miet Drogat" ta’ Francis Galea (pġ. 441)

1. Waslu l-vaganzi, u inti ħsibt li ssib xi xogħol għas-sajf, xejn xejn biex iżżomm ruħek applikat/a u taqla’ xi ħaġa tal-flus. Ikteb ittra ta’ mhux inqas minn 150 kelma lil stabbiliment li joffri x-xogħol lill-istudenti, li fiha tagħmel it-talba tiegħek biex tmur taħdem. (MATSEC, Mejju 2007)
2. L-istazzjon televiżiv TV Stilla se jniedi programm li jismu “Karattri.” Fih se jkunu intervistati individwi li għandhom karattru partikulari. Ibgħat applikazzjoni ta’ mhux inqas minn 150 kelma lill-Kap tal-Programmi u fiha ddeskrivi fil-qosor il-karattru tiegħek u għid għaliex taħseb li għandek tintgħażel biex tidher f’dan il-programm. (MATSEC, Mejju 2004)

TUTORIAL – L-EWWEL SENA
Mit-Tnejn 1 ta’ April sal-Ġimgħa 4 ta’ April 2008

Komponiment ġenerali
Agħżel wieħed:

1. Is-siwi tal-letteratura f’soċjetà mibnija fuq it-teknoloġija ta’ l-informatika. (Livell Avvanzat – Mejju 2007)

2. Bla kurżità l-bniedem ma kien javvanza qatt.

1. Iddiskuti t-trattament tat-tema ambjentali f'għadd ta' novelli li studjajt f'Ħala taż-Żgħożija.
2. Iddiskuti l-karattri femminili f'għadd ta' novelli li studjajt f'Ħala taż-Żgħożija.

TUTORIAL – L-EWWEL SENA AVVANZAT
Mit-Tnejn 10 ta’ Marzu sal-Ġimgħa 14 ta’ Marzu 2008
 

QASSAR f’madwar 100 kelma s-silta li tinsab għand l-Agenda Bookshop.

TUTORIAL – IT-TIENI SENA AVVANZAT
Mit-Tnejn 10 ta’ Marzu sal-Ġimgħa 14 ta’ Marzu 2008

KRITIKA LETTERARJA

Agħmel apprezzament letterarju dettaljat tas-silta

L-Effetti tal-Gwerra fuq Pajjiżna

Il-ħames snin tal-gwerra qalbu Malta ta’ taħt fuq. Bliet imwaqqgħa, eluf ta’ nies li tilfu darhom u li kienu qegħdin jgħixu ma’ nieshom, ma’ ħbiebhom jew mal-barranin. Nies li f’ħames snin bħal dawk kienu xjieħu. Tfal li kienu saru ġuvintur u xebbiet li kienu raw minn kollox. Nies li għamlu l-flus, u nies li fqaru. Tfajliet impjegati bl-eluf. Ħafna oġġetti li kienu għadhom razzjonati. U d-diskors tan-nies, il-mod kif kienu saru jirraġunaw, b’mod speċjali ż-żgħażagħ, ma kienx dak tas-soltu, dak li ħames snin qabel kont imdorri għalih. Kulħadd kellu l-kelma “drittijiet” f’ħalqu. Drittijiet ta’ Malta fuq l-Ingilterra, drittijiet ta’ dawk li servew fil-gwerra li jsibu x-xogħol, drittijiet tan-nisa, drittijiet għall-vot, drittijet tal-ħaddiema, drittijiet tal-konsumaturi, drittijiet tal-Unions, drittijiet ta’ dawk li m’għandhomx dar, drittijiet tas-sidien li tilfu l-bini tagħhom.

“Ma ninsewx,” qal qassis fi prietka li nzertajt, “li Alla ukoll għandu d-drittijiet tiegħu. Diġà donna nsejna kemm tlabnieh u kemm-il darba ħelisna mill-mewt.”

Ir-reliġjon, bla dubju xejn, kienet sostniet il-poplu tagħna fl-agħar provi tal-gwerra. Imma donnu kien qiegħed jiġri, bħala reazzjoni psikoloġika għal dik it-tensjoni kollha, illi n-nies riedet tixxala, riedet tinsa, riedet tgawdi l-ħajja li kienet bħal reġgħet sabet. Wara s-snin fix-xelters u fil-biża’, dejjem diskors wieħed ta’ ħsara, ta’ feruti u ta’ mejtin, in-nies bħal ħarġet tixxaħxaħ fix-xemx. Kellha fiha l-gost tal-ħajja. U bħal ħalliet ruħha tintelaq, kultant ftit iżżejjed, għal dak il-gost.

Matul il-gwerra ukoll, kif bdejt nisma’, mhux kulħadd irreaġixxa l-istess. Il-parti l-kbira tan-nies bħal daħlet f’qoxritha, talbet kemm felħet, stinkat biex tirbaħ il-ġuħ u l-biża’ u qagħdet bi kwietha. Ħafna oħrajn, speċjalment iż-żgħażagħ, ħassew f’dawk is-snin tal-gwerra jiġri f’demmhom l-ispirtu ta’ l-avventura. Sfidaw il-perikoli, innamraw kemm felħu, ħassew aktar il-ġibda lejn il-ħajja. Ħafna fizzjali u suldati Ingliżi u Maltin, numru kbir ta’ piloti, li kienu ta’ kuljum jaraw il-mewt, nies tal-baħar, fittxew kemm felħu lit-tfajliet kważi bi dritt, għax kienu jħossu fis-subkonxju tagħhom li kienu qegħdin jipperikolaw ħajjithom għalihom. It-tfajliet ħabbew ħafna drabi lil nies li kienu jafu li l-għada jew il-pitgħada kienu jmutu. U bħal għexu għall-ġurnata. Il-libertà li ġiebu l-impiegi, in-nuqqas ta’ trasport, id-dlamijiet, it-taħlit, l-evakwazzjoni ħarbtu d-dixxiplina u l-għaqal ta’ eluf ta’ familji Maltin.

(minn Rajt Malta Tinbidel, Vol. III, ta’ Herbert Ganado)
 

TUTORIAL – L-EWWEL SENA AVVANZAT
Mit-Tnejn 3 ta’ Marzu sal-Ġimgħa 7 ta’ Marzu 2008

TAQSIRA
Qassar f’madwar 100 kelma s-silta meħuda minn Selmun ta’ Paul P. Borg.

Ikseb kopja mingħand l-Agenda Bookshop.

TUTORIAL – IT-TIENI SENA AVVANZAT
Mit-Tnejn 3 ta’ Marzu sal-Ġimgħa 7 ta’ Marzu 2008

KRITIKA TAL-POEŻIJA
Agħmel analiżi kritika ta’ waħda minn dawn il-poeżiji:

1. “Il-Mewt ta’ Tarbija” ta’ Klement Mifsud Bonnici (Il-Poeżiji Maltija, p. 34.)

2. “Agħtini Lejl Ieħor” ta’ Raymond Mahoney (Il-Poeżiji Maltija, p. 417)

TUTORIAL – L-EWWEL SENA AVVANZAT
Fil-ġimgħa ta’ bejn il-25 u d-29 ta’ Frar mhux se jsiru tutorials.

TUTORIAL – IT-TIENI SENA AVVANZAT
Fil-ġimgħa ta’ bejn il-25 u d-29 ta’ Frar mhux se jsiru tutorials.

TUTORIAL – L-EWWEL SENA AVVANZAT
Mit-Tnejn 18 ta’ Frar sal-Ġimgħa 22 ta’ Frar 2008
 

Komponiment letterarju
Agħżel titlu wieħed:

1. Il-poeti ta’ l-ewwel nofs tas-seklu għoxrin jirriflettu fil-fond dwar tiġrib il-ħajja. Iddiskuti xejriet ewlenin ta’ l-interpretazzjoni tagħhom.

2. In-nostalġija u s-solitudni jirriflettu l-esperjenzi qarsa tal-ħajja. Iddiskuti dwar dan b’referenza għal diversi poeti ta’ l-ewwel nofs tas-seklu għoxrin. (Eżami fil-Livell Avvanzat, Settembru 2004)

TUTORIAL – IT-TIENI SENA AVVANZAT
Mit-Tnejn 18 ta’ Frar sal-Ġimgħa 22 ta’ Frar 2008
 

Komponiment letterarju
Agħżel titlu wieħed:

1. Il-poeta tat-Tieni Nofs tas-Seklu Għoxrin ried li jagħraf ’l Alla internament u mhux bil-funzjonijiet organizzati. Iddiskuti b’referenza għall-poeżiji li studjajt.

2. Il-poeti tat-Tieni Nofs tas-Seklu Għoxrin juru mħabba kbira lejn l-ambjent naturali. Iddiskuti b’referenza għall-poeżiji li studjajt.

TUTORIAL – L-EWWEL SENA AVVANZAT
Mit-Tnejn 11 ta’ Frar sal-Ġimgħa 15 ta’ Frar 2008

Komponiment letterarju
Agħżel titlu wieħed:

1. Il-poeti ta’ l-Ewwel Nofs tas-Seklu Għoxrin sikwit juru mħabba tassew kbira lejn il-poplu Malti. Iddiskuti din l-imħabba skond aspetti differenti tagħha.

2. Il-poeti ta’ l-Ewwel Nofs tas-Seklu Għoxrin iħarsu lejn ġrajjiet pajjiżhom u lejn dak kollu li jagħmilhom Maltin. Iddiskuti.

TUTORIAL – IT-TIENI SENA AVVANZAT
Mit-Tnejn 11 ta’ Frar sal-Ġimgħa 15 ta’ Frar 2008

Komponiment tal-lingwistika
Agħżel titlu wieħed:

1. Uri permezz ta’ eżempji xierqa kif jaħdem it-trasferiment semantiku meta fil-metafora, is-sens ta’ kelma napplikawh f’sens ġdid fuq bażi ta’ xebh bejn iż-żewġ kelmiet.

2. Meta żewġ simboli jiltaqgħu ġo forma waħda akustika ngħidu li huma omofoni. Uri permezz ta’ eżempji xierqa liema huma dawk il-fatturi li jikkawżaw l-omofoni fil-Malti.

TUTORIAL – L-EWWEL SENA AVVANZAT
Mit-Tnejn 4 ta’ Frar sal-Ġimgħa 8 ta’ Frar 2008

Kritika Letterarja
Agħmel analiżi kritika ta’ waħda minn dawn il-poeżiji li jinsabu fil-ktieb Il-Poeżija Maltija ta’ Oliver Friggieri:

1. "Meditazzjoni" ta’ Marlene Saliba (pġ. 437 )

2. "Għad Baqa’ Ħafna x’Nimxu" ta’ Ġużè Chetcuti (pġ. 208)

TUTORIAL – IT-TIENI SENA AVVANZAT
Mit-Tnejn 4 ta’ Frar sal-Ġimgħa 8 ta’ Frar 2008

Kritika Letterarja
Agħmel analiżi kritika ta’ din is-silta mir-rumanz L-Isqaq ta' Ġużè Chetcuti. (Hemm kopja wkoll għand l-Agenda tal-Kulleġġ.)

TUTORIAL – L-EWWEL SENA AVVANZAT
Mit-Tnejn 28 ta’ Jannar sal-Ġimgħa 1 ta’ Frar 2008

Kritika Letterarja
Agħmel analiżi kritika ta’ waħda minn dawn il-poeżiji:

1. "Dal-lejl Għadda Kelb Jingħi" ta’ Pawlu Aquilina (pġ. 250)

2. "Rendikont" ta’ Maria Grech Ganado (pġ. 340)

Iż-żewġ poeżiji jinsabu fil-ktieb Il-Poeżija Maltija ta’ Oliver Friggieri.

TUTORIAL – IT-TIENI SENA AVVANZAT
Mit-Tnejn 28 ta’ Jannar sal-Ġimgħa 1 ta’ Frar 2008

Komponiment Letterarju
Agħżel wieħed:

1. “Erġajna qed naħsbu għal rasna, ma... Fit-tgawdija tal-ġisem ħsibt għal rasek u issa għax ġejna għar-ruħ, se terġa'?” Kemm hu minnu dan il-kliem ta’ Victor? Iddiskuti kif japplika għall-karattri kollha fid-dramm L-Ewwel Jien!

2. Diacono jgħid li hu qiegħed fuq il-palk is-soċjetà kif jaraha hu: taqtigħa qalila u bla mogħdrija bl-iskop qabel il-mezz, min jattakka minn quddiem, min jonsob minn wara, min bil-qdusija tilma fuq wiċċu u f’qalbu infern, fi ġlieda kontinwa mhux biss tal-ħajja stess, imma saħansitra tal-pussess tal-passjonijiet u ta’ l-ambizzjonijiet individwali. Ikkummenta.

TUTORIAL – L-EWWEL SENA AVVANZAT
Mit-Tnejn 21 ta’ Jannar sal-Ġimgħa 25 ta’ Jannar 2008

Komponiment letterarju
Agħżel titlu wieħed:

1. F’"Ħala taż-Żgħożija," Lino Spiteri ttratta diversi temi soċjali. Uri kif fin-novella ġew ittrattati (a) it-tema tax-xogħol u (b) it-tema ta’ l-imħabba. Dejjem saħħaħ b’referenzi f’waqthom.

2. Lino Spiteri juża l-ġeneru tan-novella bħala għodda biex jintefa’ dawl fuq is-soċjetà ta’ żmienu. Stħarreġ dan fin-novella "Ħala taż-Żgħożija."

Dawn huma l-istess titli li ta s-Sur Seisun waqt il-lekċer.

TUTORIAL – IT-TIENI SENA AVVANZAT
Mit-Tnejn 21 ta’ Jannar sal-Ġimgħa 25 ta’ Jannar 2008

Komponiment letterarju
Agħżel titlu wieħed

1. "Fil-gaġġa li ninsab fiha sibt li qatt m'għamilt dak li tassew xtaqt." (Kap. VIII) Kif narawh dan il-ħsieb fir-rumanz ta' Frans Sammut Il-Gaġġa? (Livell Avvanzat, Mejju 2005)

2. Fredu, f'Il-Gaġġa, jsib li "l-qrusa u l-imħabba huma mwaħħdin b'mod li ma jingħażlux minn xulxin." Iddiskuti. (Livell Avvanzat, Settembru 2005)

3. Il-ġlieda bejn il-protagonist u l-bqija tal-karattri f'Il-Gaġġa ta' Frans Sammut. (Livell Avvanzat, Mejju 2006)

TUTORIAL – L-EWWEL SENA AVVANZAT
Mit-Tnejn 14 ta’ Jannar sal-Ġimgħa 18 ta’ Jannar 2008
 

Komponiment letterarju
Agħżel titlu wieħed:

1. F’"Ħala taż-Żgħożija," Lino Spiteri ttratta diversi temi soċjali. Uri kif fin-novella ġew ittrattati a) it-tema tax-xogħol u b) it-tema ta’ l-imħabba. Dejjem saħħaħ b’referenzi f’waqthom.

2. Lino Spiteri juża l-ġeneru tan-novella bħala għodda biex jintefa’ dawl fuq is-soċjetà ta’ żmienu. Stħarreġ dan fin-novella "Ħala taż-Żgħożija."

Dawn huma l-istess titli li ta s-Sur Seisun waqt il-lekċer.

TUTORIAL – IT-TIENI SENA AVVANZAT
Mit-Tnejn 14 ta’ Jannar sal-Ġimgħa 18 ta’ Jannar 2008

Komponiment letterarju
Agħżel titlu wieħed:

1. Il-poeti ta’ l-Ewwel Nofs tas-Seklu Għoxrin juru sikwit imħabba u qima lejn Malta u l-poplu Malti. Iddiskuti dan l-argument b’referenza għall-poeżiji li studjajt.

2. Il-poeti ta’ l-Ewwel Nofs tas-Seklu Għoxrin iħarsu lejn l-antenati Maltin u jippruvaw jidealizzaw is-sehem tagħhom fl-Istorja ta’ Malta. Iddiskuti dan l-argument b’referenza għall-poeżiji li studjajt.

TUTORIAL – L-EWWEL SENA AVVANZAT
Mit-Tnejn 7 ta’ Jannar sal-Ġimgħa 11 ta’ Jannar 2008

Ittra
Agħżel waħda:

1. Ikteb ittra lill-editur tal-gazzetta In-Niggieża biex turi l-fehma tiegħek dwar artiklu li fih korrispondent ressaq il-fehma li dak li hu importanti mhux li nikkontrollaw il-bini imma li nikkontrollaw kif u fejn nibnu.

jew

2. Ikteb ittra lil ġurnal lokali biex tfisser fehemtek fuq is-sehem tal-mara u tar-raġel fix-xogħol tad-dar.

It-tul ta’ l-ittra għandu jkun bejn 150 u 200 kelma.
 

TUTORIAL – IT-TIENI SENA AVVANZAT
Mit-Tnejn 7 ta’ Jannar sal-Ġimgħa 11 ta’ Jannar 2008

Ittra
Agħżel waħda:

1. Ikteb ittra lill-editur tal-gazzetta In-Niggieża biex turi l-fehma tiegħek dwar artiklu li fih korrispondent ressaq il-fehma li dak li hu importanti mhux li nikkontrollaw il-bini imma li nikkontrollaw kif u fejn nibnu.

jew

2. Ikteb ittra lil ġurnal lokali biex tfisser fehemtek fuq is-sehem tal-mara u tar-raġel fix-xogħol tad-dar.

It-tul ta’ l-ittra għandu jkun bejn 150 u 200 kelma.
 

TUTORIAL – L-EWWEL SENA AVVANZAT
Mit-Tnejn 17 ta’ Diċembru sal-Ġimgħa 21 ta’ Diċembru 2007

QASSAR f’madwar 100 kelma dan li ġej:

“Hemm kuxjenza qawwija … minn doża ta’ mħabba.”

Ikseb kopja mingħand l-Agenda Bookshop

TUTORIAL – IT-TIENI SENA AVVANZAT
Mit-Tnejn 17 ta’ Diċembru sal-Ġimgħa 21 ta’ Diċembru 2007

Komponiment letterarju
Għal Lino Spiteri n-novella sservi ta’ mezz li bih il-qagħda tas- soċjetà Maltija titqiegħed taħt il-lenti tal-qarrej. Ikkummenta minn uħud min-novelli.

Fil-ġimgħa ta’ bejn it-3 u s-7 ta’ Diċembru mhux se jsiru tutorials.

TUTORIAL – L-EWWEL SENA AVVANZAT
Mit-Tnejn 10 ta’ Diċembru sal-Ġimgħa 14 ta’ Diċembru 2007
 

QASSAR f’madwar 100 kelma dan li ġej:
“Il-kitba hija sengħa tal-moħħ… is-Sengħa tal-Ġmiel għaddiet aktar ‘il quddiem.”
 

Ikseb kopja mingħand l-Agenda Bookshop.
 

TUTORIAL – TAT-TIENI SENA AVVANZAT
Mit-Tnejn 10 ta’ Diċembru sal-Ġimgħa 14 ta’ Diċembru 2007

Agħmel analiżi kritika ta’ WAĦDA minn dawn iż-żewġ poeżiji li jinsabu fil-ktieb Il-Poeżija Maltija:

“Marsaxlokk” ta’ Ġużè Muscat Azzopardi (p. 50) jew “Għodwa” ta’ Ġorġ Peresso (p. 314)
 

TUTORIAL – L-EWWEL SENA AVVANZAT
Mit-Tnejn 26 ta’ Novembru sal-Ġimgħa 30 ta’ Novembru 2007

Komponiment ġenerali
Agħżel wieħed:

1. L-aħjar tpattija hija l-maħfra.

2. L-effetti tat-turiżmu fuq pajjiżna.

TUTORIAL – IT-TIENI SENA AVVANZAT
Mit-Tnejn 26 ta’ Novembru sal-Ġimgħa 30 ta’ Novembru 2007
 

Ittra
Agħżel waħda:

1. Fil-ġurnal Il-Leħħa deher artiklu bl-isem: "L-isport jagħmel ħafna ġid." Ikteb ittra lill-editur tal-ġurnal u agħti r-reazzjoni tiegħek għal dan l-artiklu.

2. L-istazzjon televiżiv TV Pront nieda kampanja biex jitjieb il-livell tal-Malti mitħaddet fix-Xandir. Ikteb ittra lid-direttur ta’ dan l-istazzjon u agħti s-suġġerimenti tiegħek.

TUTORIAL - L-EWWEL SENA AVVANZAT
Mit-Tnejn 19 ta’ Novembru sal-Ġimgħa 23 ta’ Novembru

Komponiment Ġenerali
Agħżel wieħed:

1. Wara aktar minn xahar fil-Junior College... (Xi ħsibijiet u riflessjonijiet).

2. Kemm hi sabiħa l-ħajja!

TUTORIAL - IT-TIENI SENA AVVANZAT
Mit-Tnejn 19 ta’ Novembru sal-Ġimgħa 23 ta’ Novembru

Komponiment Ġenerali
Agħżel wieħed:

1. F’dinja li qed issir tant kiefra, x’nistgħu nagħmlu biex nipproteġu aktar lit-tfal żgħar?

2. Il-ħolm tiegħi fil-ħajja.

TUTORIAL – L-EWWEL SENA AVVANZAT
Mit-Tnejn 12 ta’ Novembru sal-Ġimgħa 16 ta’ Novembru 2007

Komponiment ġenerali
Agħżel wieħed:

1. Il-komunikazzjoni żdiedet jew naqset fis-seklu 21?

2. X’nixtieq.

TUTORIAL – IT-TIENI SENA AVVANZAT
Data: Mit-Tnejn 12 ta’ Novembru sal-Ġimgħa 16 ta’ Novembru 2007

Komponiment letterarju

Tiġrib il-ħajja jispira lill-poeti ta’ l-ewwel nofs tas-seklu għoxrin. Iddiskuti l-mod kif il-poeti jittrattaw ix-xejriet differenti ta’ dan it-tiġrib.

TUTORIAL – L-EWWEL SENA
Data: Mit-Tnejn 05 ta’ Novembru sal-Ġimgħa 09 ta’ Novembru 2007

Komponiment ġenerali
Agħżel wieħed:

1. L-impenn taż-żgħażagħ fis-soċjetà tal-lum.

2. L-aħjar tpattija hija l-maħfra.

TUTORIAL – IT-TIENI SENA AVVANZAT
Data: Mit-Tnejn 05 ta’ Novembru sal-Ġimgħa 9 ta’ Novembru 2007

Komponiment tal-lingwistika
Agħżel wieħed:

1. “Ħafna drabi l-element Rumanz jintegra ruħu billi jadotta morfoloġija Semitika.” Ikkummenta.

2. Uri kif fil-Malti l-bażi Semitika żżewġet ma’ l-element Rumanz u Ingliż.

TUTORIAL – L-EWWEL SENA AVVANZAT

Mit-Tnejn 29 ta’ Ottubru sal-Ġimgħa 2 ta’ Novembru 2007

Ittra
Agħżel waħda:

1. Is-sindku tal-Kunsill Lokali jixtieq itejjeb il-ħajja soċjali tar-raħal jew belt tiegħek. Ikteb ittra fil-gazzetta Leħen il-Kunsill biex tgħid kif taħsibha fuq is-sehem taż-żgħażagħ fil-festi ta’ barra.

2. Ikteb ittra lil ġurnal lokali biex tfisser kemm hu meħtieġ li jkun hemm dixxiplina sħiħa fis-sewqan.

It-tul ta’ l-ittra għandu jkun bejn 150 u 200 kelma.

TUTORIAL – IT-TIENI SENA AVVANZAT

Mit-Tnejn 29 ta’ Ottubru sal-Ġimgħa 2 ta’ Novembru 2007
 

Komponiment letterarju
Agħżel titlu wieħed:

1. Il-poeti ta’ l-ewwel nofs tas-seklu għoxrin sikwit juru l-qima sħiħa li għandhom lejn in-Natura u d-dinja tal-ħlejjaq mhux umani. Ikkummenta u agħti eżempji.

2. Iddiskuti t-tema ta’ L-Ambjent Naturali kif ippreżentawha l-poeti ta’ l-ewwel nofs tas-seklu għoxrin fil-poeżiji li studjajt f’Il-Poeżija Maltija. Saħħaħ dak li tikteb b’ eżempji.

TUTORIAL – L-EWWEL SENA

Mit-Tnejn 22 ta’ Ottubru sal-Ġimgħa 26 ta’ Ottubru 2007

Komponiment ġenerali
Agħżel titlu wieħed:

1. “Mitlufin kif kienu fuq il-kompjuter ma semgħux …" Kompli dar-rakkont.

2. Il-kant u l-kantanti f’Malta. X’futur għandhom?
    

TUTORIAL – IT-TIENI SENA

Mit-Tnejn 22 ta’ Ottubru sal-Ġimgħa 26 ta’ Ottubru 2007

Komponiment ġenerali
Agħżel titlu wieħed:

1. Radjijiet, stazzjonijiet tat-televixin, gazzetti. Taħseb li qed ikunu t’għajnuna biex il-poplu Malti jimmatura?

2. Il-kriminalità fost iż-żgħażagħ: kif nistgħu ntaffu din il-pjaga soċjali?

1. Min jgħid wisq, ftit fih riżq. X’taħseb?
2. Huwa aktar faċli tikkritika dak li jagħmel ħaddieħor milli tagħmel xi ħaġa int.

F'idejn is-Sur Mario Cutajar